Азнавур Мкртчан пластилинæй саразы æнæхъæн горæттæ
«Азнавуры импери» байгом Национ наукон библиотекæйы. Азнавур Мкртчан пластилинæй саразы æнæхъæн горæттæ. Суанг лыстæг хъуыддæгтæ дæр скæны хуызистытæм гæсгæ. Æрыгон нывгæнæг йæ равдыстытæ байгом кæны хæрзаудæн нысанимæ. Уæвгæ, Азанвур хорз хъуыды кæны, кæддæр йæхæдæг цы ххуыс райста, уый. Йæхи куыстытæй та нæ иу хатт бауырнæн кæны, цыфæнды бæллицтæ дæр сæххæст кæнæн кæй ис, уый. Равдыстæй бæлвырддæр хабæрттæ радзурдзæн Гуытъиаты Алинæ.
Венеци æрыгон мастеры цæстæнгасæй. Алы хаххы дæр ис банкъарæн Италийы комулæфт. Къуындæг тигътæ, рæсугъд аив фæзтæ æмæ доны къанæуттæй ис базонæн горæт. Лæмбынæг куы æркæсай, уæд фендзынæ испайнаг армадæ — сæдæ æртын науæй флотили. Чысыл уæлдæр — незаманты чи фесæфт, уыцы Атлантидæ. Зæрдиагæй йыл сæхи аирхæфсдзысты историон сусæгдзинæдтæ чи уарзы, уыдон.
Ацы равдыст райдыдта хуымæтæг лæварæй. Фондзаздзыд лæппуйæн кæдддæр балхæдтой пластилин. Абон йæ коллекци хæдзары нал цæуы. Æппæты фыццаг лæппу пластилинæй сарæзта Дзæуджыхъæуы фæлгонц. Уый йын йæ мад бафæдзæхста.
Ацы аз радон сæрмагонд равдысты рæстæг автор равæрдта ног куыстытæ. Мадзал ацыдис хæрзаудæн фонд «Æххуысы къух»-ы фæрцы. Се мгуыстадыл цæуы æхсæз азы. Кæддæр фонды активисттæ Азнавурæн баххуыс кодтой æнæниздзинадмæ фыццаг къахдзæфтæ скæнынмæ. Æртæ азы йыл куы цыдис, уæд лæппумæ раиртæстой сæры магъзы низ. Æртындæс азыл та йын скодтой уæззау операци. Ныртæккæ Азнавурыл цæуы 19 азы, ахуыр кæны аивадон факультеты дыккаг курсы, архайы бархионты змæлды.
Азнавуры раз æрбалæууынмæ æрбацыдысты Уæрæсейы скъоладзауты змæлды регионалон хайады минæвæрттæ. Сæ зæрдæмæ тынг фæцыдысты æрыгон авторы куыстытæ.
«Азнавуры Импери» рухс федта. Географион объекттæн сонтæй банымайæн дæр нæй. Ацы горæты картæйыл хорз фидауынц рагон горæттæ æмæ нырыккон мегаполистæ. Фидауын та сæ кæны æрыгон æрмдæсныйы курдиаты тæваг.
