14 апреля 2021, 10:15
Дзæуджыхъæуы цæуынц дондзæуæн хызтæ баивыны куыстытæ
Æппæты дæргъвæтиндæр объекттæй иу ис Æрыдойнаг уынджы
Дзæуджыхъæуы цæуынц дондзæуæн хызтæ баивыны куыстытæ. Æппæты дæргъвæтиндæр объекттæй иу ис Æрыдойнаг уынджы. Дондзæуæн хæтæлтæ дзы ивд цæуынц Кольбусы уынгæй Къостайы проспекты онг. 3 км æмæ 5 сæдæ метры уаццагыл баивдзысты сæйраг хæтæл æмæ дзы хæдзæрттæм чи цæуы, уыцы хæйттæ. 300 мм диаметры хæтæл конд у хæрзхъæд полипропиленæй. Дондзæуæн хызтæ ивд куы рцæуой, уæд ацы уынджы куыстытæм бавналдзысты фæндаггон службæтæ, уыдон та сног кæндзысты асфальты уæлцъар. Æппæт ацы куыстытæ конд цæуынц федералон программæ «Æдас æмæ хæрзхъæд фæндæгтæ» æххæстгæнгæйæ.
темæмæ гæсгæ
