Сæ иу – традицион акци «Оставайся донором», бакуыста йыл Æппæтуæрæсеон адæмон фронты фæсивæдон командæ
Доноры Æппæтдунеон боны агъоммæ Дзæуджыхъæуы туг дæттæн станцæйы арæзт æрцыд дыууæ акцийы. Сæ иу – традицион акци «Оставайся донором», бакуыста йыл Æппæтуæрæсеон адæмон фронты фæсивæдон командæ. Иннæ акци саразыныл та бакуыста хæрзаудæн «Быть добру», æмæ йæ схуыдта «Спаси жизнь ребенку с лейкозом». Баст у, стæджы магъзы донор суæвынимæ. Акцитæ цæудзысты 23-æм апрельмæ, æмæ дзы бацархайдтой уæлдæр ахуыргæнæндæтты студенттæ. Сæйрагдæр у, цæмæй адæймагыл 18 азæй къаддæр ма цæуа, уый. Алы донор дæр хъуамæ радта туджы 9 мл. Уымæй сбæрæг кæндзысты генотип, æмæ хаст æрцæудзæн донорты Национ регистрмæ. Тугдæттæн станцæйы разамынд кады гæххæттытæ радта æппæтуæрæсеон адæмон фронты фæсивæдон къордæн æмæ хæрзаудæн фонд «Быть добру»-йæн, æппынæдзухдæр медицинон куыстуатимæ æнгом æмархайд кæй кæнынц, уый тыххæй.