филиал вгтрк государственная телерадиовещательная компания “Алания”

Æфсæддон-историон комплекс «Барбашовы фæзы»-ы территорийы æвдисын райдыдтой патриотон кинонывтæ. Фенæн сæ ис стыр экраныл. Адæмы размæ дзы рахæсдзысты зындгонд æфсæддон кинотæ, се хсæн «Судьба человека», «Летят журавли», «Они сражались за родину», «А зори здесь тихие», æмæ æндæртæ. Кинонывтæ æвдисдзысты æрвылбон дæр 12-æй 23 сахаты онг. Боны фыццаг æмбисы æрбацæуджытæн фадат уыдзæни «Æнæмæлгæ полчы» видеоролик фенынæн. Кинотæ æвдисыны фæтк фенæн ис республикæйы мидхъуыддæгты министрады официалон сайты. Анонс ног кæндзысты алы 10 боны дæр. Æфсæддон комплексы бынат ис 120 адæймагæн.