Акци «Окна Победы»-йы фæлгæты республикæйы цæрджытæн фадат ис сæ хæдзæртты рудзгуытыл хæсты темæимæ баст аппликацитæ æмæ нывтæ скæнынæн
Парти «Иугонд Уæрæсе»-йы хъæппæрисæй арæзт цæуынц Уæлахизы бонимæ баст æрвылазон мадзæлттæ. Акци «Окна Победы»-йы фæлгæты республикæйы цæрджытæн фадат ис сæ хæдзæртты рудзгуытыл хæсты темæимæ баст аппликацитæ æмæ нывтæ скæнынæн. Социалон хызтæй чи пайда кæны, уыдонæн та гæнæн ис марафоны архайæн. Уый тыххæй хъæуы Уæлахизы кадæн æмдзæвгæ бакæсын æмæ видео хэштег #СтрофаПобеды-имæ равæрын. 8-æм майы 12 сахатыл Дзæуджыхъæуы уынгтыл цы радио «Город»-ы приемниктæ ис, уыдонæй хъуысдзысты Юрий Левитаны хъусынгæнинæгтæ, Фыдыбæстæйы Стыр хæст кæй фæцис, æмæ знагыл Советон адæм кæй фæуæлахиз сты, уый тыххæй. «Иугонд Уæрæсе» нæ ферох кодта бирæазон акци «Георгийы лент» дæр.
