Уый фæдыл ын раарфæ кæнынмæ æрбацыд Цæгат Ирыстоны Сæргълæууæджы хæстæ рæстæгмæ æххæстгæнæг Сергей Меняйло
105 азы сæххæст Уæрæсейы æппæтæй хистæр ветеран, не мзæххон, Фыдыбæстæйы Стыр хæсты архайæг Мæрзойты Тимофейыл. Йæ ном фыст æрцыд Уæрæсейы Гиннесы рекордты Чиныджы. Хæстæн фæцыди йæ райдианæй йæ кæронмæ. Архайдта Кавказ суæгъд кæныны тохы. Уымæй дарддæр хæцыди Украинæйы, Молдавийы, Румынийы, Болгарийы, Югославийы, æмæ фæцыд суанг Австрийы онг. Хæствæллад хистæрæн арфæтæ ракæнынмæ уазæгуаты æрбацыд Цæгат Ирыстоны Сæргълæууæджы хæстæ рæстæгмæ æххæстгæнæг Сергей Меняйло.
Мæрзойты Тимофей йæ сæдæ фæндзæм райгуырæн боныл сæмбæлд уæнгрог æмæ зæрдæрухсæй, йæ уарзон бинонты астæу. Хъарман-Сындзыхъæуы Мæрзойтæ æрæджы æрцардысты, фæлæ ветераны зонынц æппæт цæрджытæ дæр.
Æфсæддон службæмæ Мæрзойты Тимофеймæ фæсидтысты йæ райгуырæн Мызурæй. Уый знаджы дæрæн кодта Украинæйы, Молдовæйы, Румынийы, архайдта Кавказ ссæрибар кæныны тохы. Уæлахизы боныл сæмбæлд Австрийы.
Мæрзойты Тимофей официалон уагæй нымад у Фыдыбæстæйы Стыр хæсты æппæты ацæргæдæр ветераныл. Æрæджы йæ бахастой Уæрæсейы рекордты чиныгмæ:
Юбилейы фæдыл ветеранæн раарфæ кодта Сергей Меняйло. Республикæйы сæргълæууæджы хæстæ рæстæгмæ æххæстгæнæг Мæрзойты Тимофейæн радта æппæты ацæргæдæр хæсты архайæджы æвдисæндар.
Тимофейы раз йæ уарзон цардæмбал Верæ. Æрвылаз йæ сæрыхицауы райгуырæн бон азары æфсæддон зарджытæ.
Хæст куы фæцис, уæд Мæрзойты Тимофей æрыздæхтис Мызурмæ æмæ уым бирæ азты хъазуатон фæллой кодта. Йæ хæстон фæндæгтыл дзурын ветеран нæ уарзы, æрмæст бæллы, цæмæй рæзгæ фæлтæр мауал бавзара хæст.
