Алкæцыйы дæр дзы фенæн ис нæ бæстæйы гæрзифтонг тыхты рæзты историйы тыххæй равдыстытæ
Уæвгæ, Стыр Уæлахизы кадæн мадзæлттæ арæзт цæуынц, зæгъæн ис, æмæ алы бон дæр. Дæнцæгæн æрхæсдзыстæм уый, æмæ Дзæуджыхъæумæ ивгъуыд фæлладуадзæн бонты кæй ссыди Уæлахизы Эшелон. Йæ хыгъды ис 17 вагоны. Фæлæ хуымæтæг не сты. Алкæцыйы дæр дзы фенæн ис нæ бæстæйы гæрзифтонг тыхты рæзты историйы тыххæй равдыстытæ. Хицæн экспозици баст у æфсæддон медикты куыстимæ. Сæрмагонд поездæн йæ маршрут цæудзæн 64 боны. Бæлвырддæр хабæрттæ радзурдзæн Касаты Наирæ.
Дзæуджыхъæу сæмбæлд сæрмагонд поезд «Мах бæстæйы æфсад! Мах адæмы æфсад!». Традицимæ гæсгæ æртæ чъирийы æмæ бæгæныйы къус. Цæгат Ирыстоны сæйраг горæт, поезд-музейы уæрæхгонд патриотон маршрутæн.
Поезды 17 вагоны алыхуызон экспонаттæ. Ис дзы гыццыл аргъуаны хуызæн вагон дæр. Сарæзтой дзы цыбыр аргъуыд.
Ацы тематикон вагон у æппæт инновацион технологитæм гæсгæ конд. фенæн дзы ис алы рæстæджыты революцитæ. Цæстуынгæ æрмæг у тынг цымыдиссаг æмæ мидисджын. Смартфон нывмæ хæстæг куы баларай, уæд дзы адæймаг уындзæни уникалон архивон видеокадртæ. Цæугæ музей феæнæн ис кæй фæнды уыдонæн се ппæтæн дæр. Уалдай цымыдиссагдæр у скъоладзаутæн. Фæсивæды сæ хъуыдытæ ахастой хæстон азтæм.
Хъыгагæн музейы экскурси скæнынæн бирæ рæстæг нæ уыди рæзгæ фæлтæрæн. Атагъд кодтой сæ уроктæм.
Музейы уазджытæн равдыстой национ кæфтытæ æмæ æфсæддон зарджытимæ концертон программæ дæр.
5 сахатмæ поезд-музей бабæрæг кодтой 500 адæймаджы. Дарддæр ацæудзæн Назраньмæ. Алыхуызон бæстæты Фыдыбæстæйы гæрзифтонг тыхтæ æмæ æфсæддон цаутимæ æдæппæтæй базонгæ уыдзысты Уæрæсейы 51 горæты. Патриотон поезд ацæудзæн 33 мин км, æмæ фæндагыл уыдзæни 27-æм майы онг.
