28 мая 2021, 12:29
Эфиры рацыд, Цæгат Ирыстоны кæй систой, уыцы программæ «По секрету всему свету»-йы дыккаг хай
Ацы хатт съемкæтæ цыдысты нæ республикæйы сæйраг горæты
Телеканал «Россия 1» эфиры рацыд, Цæгат Ирыстоны кæй систой, уыцы программæ «По секрету всему свету»-йы дыккаг хай. Ацы хатт съемкæтæ цыдысты нæ республикæйы сæйраг горæты. Программæйы амонæг Марк Богатырев радзырдта Дзæуджыхъæуы уникалон архитектурæйы тыххæй. Уымæй дарддæр уыд нывгæнæг Джиоты Вадимы æрмадзы. Йæхиуыл абарста нымæт худ, стæй ма бафæлвæрдта ирон чъири скæнын. Уæдæ тынг цымыдисæй базыдта, черешня куыд зайы, уый тыххæй дæр. Уæ зæрдыл уын æрлæууын кæндзыстæм, программæ «По секрету всему свету» исгæйæ, Марк Богатырæв абалц кæны Уæрæсейы алы регионтæм æмæ æндæр бæстæтæм. Телевизормæ кæсджытæн радзуры алы адæмыхæттыты культурæйы, æгъдæутты æмæ традициты тыххæй.
