Фæстаг рæстæг йæ алыг кæныныл стыр куыст цæуы æппæт районты дæр
Цæгат Ирыстоны цæрджыты риссагдæр фарстатæй иу у фæндæгты уавæр. Фæстаг рæстæг йæ алыг кæныныл стыр куыст цæуы æппæт районты дæр. Уыимæ канд Паддзахады æххуысæй нæ, фæлæ ма амалхъом адæмы фæрцы дæр. Не сфæлдыстадон къорд федта, Æрæфы районы хъæуты фæндæгты цалцæгыл куыд куыст цæуы, уый. Бæстондæр хабæрттæ нын уырдыгæй ракæндзæн Сосранты Жаннæ.
Уавæртæ алкæд зæрдæмæдзæугæ нæ вæййынц, фæлæ сыл иумæйагæй бакуысты фæстæ та æнæфæхуыздæр уæвæн нæ вæййы. Афтæ Æрæфы районæй рацæуджытæ æрмæст паддзхадон æххуысмæ не нхъæлмæ кæсынц, фæлæ сæ фæрнджын хъæбулты фæрцы æнцондæргонд цæуынц сæ гæнæнтæ. Зæгъæм Хæзныдоны хъæуы Уаниты Хъазыбег бавнæлдта фæндæгты уавæр фæхуыздæр кæнынмæ. Паддзахадон æххуысæй уæлæмхасæн ма, йæхи хъарутæй хъæуы цæрджыты æнцондзинадæн аразы фæндæгтæ. Æмбæлы зæгъын алкæддæр йе мхъæуккæгты фарсмæ кæй æрбалæууы. Фæндæгтыл кусгæйæ та æнæ адæмы курдиатæй дæр нæ вæййы. Йæ фæрцы, Хæзныдоны цæрджытæ цин кæнынц æнцондзинад сын цы хид хæссы, уый срæвдз кæнынмæ сын кæй феххуыс кодта, ууыл дæр.
Паддзахадон æххуысы фæрцы ма ныртæккæ, куыст цæуы районы æндæр хъæуты уынгтæ барæвдз кæныныл.
Фæстаг азты Æрæфы районы бирæ раппæлинаг хъуыддæгтæ конд æрцыд. Се *хсæн Уæлахизы парк. Фарон фесты фыццаг къæпхæны куыстытæ. Ныр та бавнæлдтой дарддæры рацарæзтмæ. Æрæфы районы Архитектурæйы хайады хицау Хъозиты Арсены ныхæстæм гæсгæ ацы аз хъуамæ æппæт куыстытæ дæр конд æрцæуой.
Æрæфы районы дарддæр цы бынæттæ аивгонд æрцæудзысты, паддзахадон æххуысы фæрцы, уый аразгæ у адæмæй. Нæ рæсугъд фидæн аразгæ у нæхицæй дæр.
