Хъæлæс кæныны процедурæйы архайдтой республикæйы уырыссаг æхсæнады 88 делегаты
Виталий Назаренко хæстæгдæр æртæ азæн æвзæрст æрцыди регионалон национ-культурон иугонд «Русь»-ы сæрдарæй. Хъæлæс кæныны процедурæйы архайдтой республикæйы уырыссаг æхсæнады 88 делегаты. Хатдзæгтæгæнæн æмæ æвзарæн конференци ацыди Евгений Вахтанговы номыл академион уырыссаг театры. Форумы куысты архайдтой нациты хсæн ахастдзинæдты фарстаты фæдыл министр Цуциты Аслан, Дзæуджыхъæуы æхсæнадон Советы Сæргълæууæг Михаил Шаталов, Дзæуджыхъæуккаг æмæ Алайнаг алчыр Леонид, ведомствæты кусджытæ, национ-культурон иугондты разамонджытæ, æхсæнад «Русь»-ы уæнгтæ. Боны фæткмæ хаст æрцыди, æхсæнады сæрдар Владимир Писаренкойы куысты фарста æмæ цæстдарæн -ревизион къамисы бæрæггæнæнтæ.
