Æрвылазон традицимæ гæсгæ у спортивон
Сывæллæтты дзæбæхгæнæн лагерь «Дзинага»-йы йæ фæллад уадзы фыццаг фæлтæр. Æрвылазон традицимæ гæсгæ у спортивон. Ныртæккæ дзы ис 255 адæймаджы. Спортсментæн хæххон уæлдæфы сæхи ерыстæм цæттæ кæнын бирæ æнцондæр у. Семæ кусынц физкультурон хъомылады факультеты студенттæ. Лагерьмæ ацæуыны размæ се ппæт дæр радтой ПЦР-тестытæ. Сæйрагдæр у æдасдзинад æмæ цæттæдзинад. Бокоты Виктория радзурдзæн бæлвырддæр.
Фæскадры: Сыгъдæг уæлдæфы тренировкæ кæнын æнæниздзинадæн у тынг пайда. Дзæбæхгæнæн лагерь «Дзинага»-йы фыццаг фæлтæр, традицимæ гæсгæ, у спортивон. 255 адæймаджы, чи зоны æмæ хæстæгдæр рæстæджы чемпионтæ республикæйы æппæт районтæй тренировкæтæ кæнынмæ абалц кодтой хохмæ.
Хъæбысæйхæцджытæ, дзюдоисттæ, волейболисттæ, фехтовальщиктæ æмæ футболисттæ. Иумæйаг разминкæйы фæстæ алы командæ дæр тренирвкæтæ кæны йæхи фæзы. Зæгъæм, Дзæуджыхъæуы сын уыцы куыст кæнын зындæр уыди, коронавирусы ныхмæ мадзæлттæ æххæст кæнгæйæ. Спортсментæн та афтæмæй сæхи ерыстæм цæттæ кæнын æмæ се спортивон фæлтæрддзинадыл æфтауын бирæ зындæр у. Хохы та уымæн ис æппæт æмбæлгæ уавæртæ.
Фæсивæды фарсмæ сты сæ разамонджытæ. Се хсæн сты физкультурон хъомылады факультеты студенттæ – хæстæгдæр фидæны тренертæ. Лагерьмæ ацæуыны размæ се ппæт дæр радтой ПЦР-тестытæ. Сæйрагдæр у æдасдзинад æмæ цæттæдзинад, зæгъынц спортсментæ.
Лагерь «Дзинага»-йы алы рæстæджыты тренировкæтæ кодтой бирæ олимпаг чемпионтæ. Ацы лæппутæн æмæ чызджытæн уый нырма у сæ фидæны, фæлæ ныр дæр ныфсджын къахдзæфтæ кæнынц сæ фыццаг уæлахизтæм.
