Ныры онг дзы сахуыр кодтой 800 сывæллоны
Дзæуджыхъæуы «Кванториумы» 3 азы куыстмæ ис æнтыстдзинæдтæ. Ныры онг дзы сахуыр кодтой 800 сывæллоны. Технопарк сси иттæг хорз фæз дæсныйадæвдисæг ахуыртæн, стæй техникон æмæ сфæлдыстадон ахуырадæн. Сæйрагдæр у уый, æмæ сывæллæттæн сæ бон кæй у хæрзæрыгонæй сæ хъæппæристæ царды уадзын. Зæгъæм, Кванториумы ахуыргæнинаг хуымæтæг предметтæй сарæзта экскаваторы проект. Æмæ иунæг нæу. Æрхъуыдыджын сывæллæтты тыххæй бæстондæр – Томайты Батраз.
Ирд хъуыдыйæн арæнтæ нæй. Техникон сфæлдыстады уый у сæйраг домæн. Сывæллæтты технопарк «Кванториумы» уыцы хъуыдыйæ арæх пайда кæнынц. Зæгъæм, ацы экскаватор саразыныл бакуыста Даниеллæ Хулелидзе. Уыимæ пайда кодта хуымæтæг предметтæй.
Зын бауырнæн у, фæлæ конструкцийы бындур систы медицинон шприцтæ. Даниеллæйы фыд у дохтыр. Уый активонæй æххуыс кодта йæ чызгæн проект саразыны хъуыддаджы. Лыстæг хæйттæ Даниеллæ йæхæдæг арæзта. Техникон сфæлдыстад нымайы йæ фидæны дæсныйады бындурыл. Фæнд кæны инженер суæвын. Уымæн æмæ уый рæдыд хъуыды у, æрмæстдæр нæлгоймæгтыл кæй фидауы ацы дæсныйад, уый.
«Кванториумы» ахуыр кæнæн ис фæндзæм къласæй фæстæмæ. Скъоладзаутæ исынц алывæрсыг зонындзинæдтæ æмæ практикон ахуыртæ. Ис дзы 10 кабинеты. Алкæцыйы дæр уникалон проекттæ. Ис ма сæм медиа-зонæ дæр. У нырыккон телестудийы хуызæн.
Арина Мартынова та аразы цымыдисаг подкаст – аудио-спектакль «Красная тень». Æппæт персонажтæ дæр дзурынц актеры хъæлæсæй.
Хицæн кабинетты ахуыр кæнынц, æнæнхъæлæджы уавæрты рæстæг коптертæй исыныл. Кумехты Марат та иртасы удæгас организмты цæрæн бынæттæ.
«Кванториумы» куысты æртæ азмæ ис стыр æнтыстдзинæдтæ. Ныры онг дзы сахуыр кодтой аст сæдæ сывæллоны. Технопарк сси иттæг хорз фæз дæсныйадæвдисæг ахуыртæн, стæй техникон æмæ сфæлдыстадон ахуыртæн. Сæйрагдæр у уый, æмæ сывæллæттæн сæ бон кæй у хæрзæрыгонæй сæ хъæппæристæ царды уадзын.
