Йæ коллекцийы фыццаг экспонаттæ систы, Къорнаты бинонтæ фæлтæрæй-фæлтæрмæ кæй хæццæ кодтой, ахæм дзаумæттæ – авдæн, гауыз, алыхуызон мигæнæнтæ æмæ афтæ дарддæр
Дигорайы цæрæг Къорнаты Владимир йæхи хæдзары сарæзта музей. Йæ коллекцийы фыццаг экспонаттæ систы, Къорнаты бинонтæ фæлтæрæй-фæлтæрмæ кæй хæццæ кодтой, ахæм дзаумæттæ – авдæн, гауыз, алыхуызон мигæнæнтæ æмæ афтæ дарддæр. Рагон дзаумæттæ Владимирæн хæссын райдыдтой йæ хæстæджытæ, сыхæгтæ æмæ зонгæтæ. Уникалон экспонаттæ фенынмæ адæм цæуынц республикæйы алы районтæй. Цалдæр азы размæ Къорнаты Владимир райдыдта йæхи нывкæнынады фæлварын. Ныртæккæ йæ галереяйы ис 70 нывæй фылдæр. Йæ равдыстытæ фенæн уыд наукон æмæ нотæты библиотекæты, стæй Цæгат Ирыстоны нывгæнджыты Цæдисы залы. Нывгæнæджы куыстытæ хицæн кæнынц йе рмдзæфæй. Къорнаты Владимирыл цæуы 82 азы. У уæнгрог æмæ цардуарзæг адæймаг. Пенсийы рацæуыны размæ куыста хъæууон хæдзарады къабазы, æмæ инженеры-эксперты фæлтæрддзинад лæвар кодта алы бæстæты: райдай Мæскуыйы облæстæй æмæ Гвинейы республикæйæ фæуы. 80-йæм азты кæрон Владимир ссыди йæ райгуырæн хъæумæ, æмæ æрлæууыд Цæголы-фырты номыл совхозы сæргъы.
