Абоны онг прививкæтæ скодтой 77 000 адæймаджы
Цæгат Ирыстоны дарддæр цæуы, ног коронавирусы ныхмæ дзыллон вакцинаци. Абоны онг прививкæтæ скодтой 77 000 адæймаджы. Нæ республикæйы кусынц вакцинацийы 12 сæйраг пункты. Уыдонæй дарддæр ма 47 уæлæмхасæн пункты байгом кодтой амбулаториты æмæ фельдшерон-акушерон пунктты. Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйлойы амындмæ гæсгæ, сæ нымæц кæндзæн фылдæр. Уыимæ сæ гом кæндзысты чи клиникæты дæр. Ацы бонты медикты мобилон бриагд прививкæтæ кодта Цæгат Ирыстоны гигиенæйы æмæ эпидемиологийы центры. Вакцинаци ацыдысты 30 адæймаджы. Бæлвырдгонд фæткмæ гæсгæ уал раздæр баххæст кодтой анкетæтæ, æмæ ацыдысты медицицнон æркаст. Прививкæтæ скодтой вакцинæ Спутник-Ви-йæ. Центры кусджытæ куыд зæгъынц, афтæмæй сæхæдæг дæр ацыдысты иммунизаци. Уымæн æмæ йæ хорз æмбарынц, коронавирус куыд тæссаг у, æмæ коллективон иммунитет куыд ахсджиаг у, уый.
