Бирæуæладзыгон хæдзæртты кæртыты ивынц асфальт æмæ бордюртæ, æвæрынц дзы рухсыты системæ, бандæттæ, бырондæттæ
Парти «Иугонд Уæрæсе» дарддæр кусы Цæгат Ирыстоны цæрджыты фæлладуадзæн бынæттæ æмæ хæдзæртты кæртытæ аив кæныныл. Проект «Горæты æнцонвадат цард» æххæстгонд цæуы Дзæуджыхъæуы æмæ республикæйы районты. Бирæуæладзыгон хæдзæртты кæртыты ивынц асфальт æмæ бордюртæ, æвæрынц дзы рухсыты системæ, бандæттæ, бырондæттæ. Бирæ объектты хъуамæ æвæрд æрцæуой спортивон æмæ сывæллæтты фæзтæ. Ныртæккæ аразджытæ кусынц Дзæуджыхъæуы Ленины уынджы. Проект царды цæуы 2017-æм азæй нырмæ æмæ баст у кæртыты æмæ фæлладуадзæн бынæтты аивдзинадимæ. Территори равзарынц, цæрджыты курдиæттæ хынцгæйæ. Программæмæ гæсгæ стыр æргом здæхт цæуы горæты парктæм дæр. Цæмæй адæмы зæрдæмæ цæуой, уый тыххæй специалисттæ аразынц æхсæнадон æрфарстытæ, æмæ сæ куыст аразынц уыдонмæ гæсгæ.
