21 июля 2021, 13:50
Дзæуджыхъæуы уынгты фæзынди, сæ хъустыл сæрмагонд клипсæтæ кæмæн ис, ахæм æнæхæдзар цæрæгойтæ
Ахæм нысан бæрæг кæны, цæрæгой стерилизацигонд кæй у, алы прививкæтæ конд ын кæй ис, æмæ адæмæн æдас кæй у, уый
Дзæуджыхъæуы уынгты фæзынди, сæ хъустыл сæрмагонд клипсæтæ кæмæн ис, ахæм æнæхæдзар цæрæгойтæ. Ахæм нысан бæрæг кæны, цæрæгой стерилизацигонд кæй у, алы прививкæтæ конд ын кæй ис, æмæ адæмæн æдас кæй у, уый. Волонтерты къорд ахæм хуызы æнæхæдзар цæрæгойты æмæ адæмы дæр хъахъхъæнынц алыхуызон цаутæй. Ахæм къорд республикæйы кусы 10 азæй фылдæр. Йæ хыгъды ис 3 чызджы. Архайынц 200 цæрæгойæн æххуыс кæныныл. Æрцахсынц рынчын цæрæгойты, сдзæбæх сæ кæнынц, скæнынц сын стерилизаци æмæ сæ ауадзынц. Уæвгæ, ацы хъуыддаг у паддзахады хæс, фæлæ йæ æххæст кæнынц бархионтæ. Республикæйы æххуыс волонтертæн уаид стыр ахъаз.
темæмæ гæсгæ
