Иртæстытæ цæуынц сæрмагонд программæмæ гæсгæ
1-æм июлæй фæстæмæ Уæрæсейы райдыдта ныридæгæн коронавирусæй рынчын чи уыди, уыцы адæмы диспансеризаци. Иртæстытæ цæуынц сæрмагонд программæмæ гæсгæ. Уый æххæст кæнгæйæ, рабæрæг кæнынц ковиды фæстæ синдром æмæ ма инфекци æвзæрырдæм цæуыл ахадынц, ахæм æндæр фæстиуджытæ. Бæлвырд иртæстытæ ацæуыны фадат ис, 18 азæй уæлæмæ кæуыл цæуы, ахæм адæмæн. Æрмæст сын хъуамæ дохтыр сæвæрдтаид диагноз COVID-19, æмæ уыцы мгъуыдæй хъуамæ рацæуа дыууæ мæйы онг. Диагностикæйы хыгъды фыццаг иртæстытæ сты – спирография, ома улæфæнтæ бæрæггæнæн процедурæ. 6 минуты хъæуы фистæгæй ацæуын, цæмæй адæймаг бамбара, коронавирусы фæстæ йæхи куыд æнкъары, уый. Цæмæй хатдзæг æвæрццæг уа, уый тыххæй 6 минутмæ ацæуын хъæуы 550 метры. Æмтгæй райсгæйæ, диспансеризаци ахæссы сахаты рдæг. Уый бирæ нæу, фæлæ хатгай адæмы нæ бафæнды, низы фæстæ сæхи куыд æнкъарынц, уый базонын. Зæгъæм, Дзæуджыхъæуы 1-æм поликлиникæйы иртæстытæ ацыдысты пациентты 3 проценты. Кæд æмæ низы фæстиуджытæ рагацау базонын, æмæ сæ аиуварс кæнын æнцондæр у, уæддæр.
