Фæзындзысты, регионалон æмæ бынæттон нысаниуæг кæмæн ис, уыцы фæндæгтыл
Цæгат Ирыстоны фæндæгтыл нысан кæнынц уæлæмхасæн видеоцæстдарды системæ сæвæрын. Фæзындзысты, регионалон æмæ бынæттон нысаниуæг кæмæн ис, уыцы фæндæгтыл. Ацы хъуыддæгтæн радих кæндзысты 150 милуан сомы. Уый тыххæй фехъусын кодтой фæндæггон змæлды æдасдзинады хицауадон къамисы æмбырды. Программæ æххæст кæнын райдайдзысты иннæ азæй фæстæмæ. Республикæйы фæндæгты хæдзарады Комитеты сæрдар Солиты Тариель куыд загъта, афтæмæй видеоцæстдарды системæ раивдзæн фæндæгтыл цы къуыбыртæ æвæрынц, уыдоны. Регионалон проект «Фæндаггон змæлды æдасдзинад»-ы фæлгæты ног стандарттæм гæсгæ конд æрцыди фистæгæйцæуджыты 30 фæндаджы. Сæ фылдæр хай æвæрд сты скъолаты, рæвдауæндæтты æмæ сывæллæтты сфæлдыстады хæдзæртты цур. Се ппæт дæр ифтонг сты уæлæмхасæн рухсгæнæнтæй, стæй светофортæй. Ахæм куыстытæ ма æххæстгонд æрцæудзысты фистæгæйцæуджыты 14 фæндагыл.
