Куыд сын бантыст фидар бинонты бындур æмæ амондджын хæдзар саразын, уый тыххæй Найфонтæ радзырдтой не сфæлдыстатдон къордæн
Æнгом æмæ хæлар бинонтæ саразын, стæй фидар бастдзинæдтæ бахъахъхъæнын. Уый сæхи дæнцæгæй зонынц Найфонты Роберт æмæ Майæ Дзæуджыхъæуæй. Ацы къай сæ цард баиу кодта 30 азы размæ. Ныр та систы конкурс «Афæдзы бинонты» уæлахиздзаутæ. Куыд сын бантыст фидар бинонты бындур æмæ амондджын хæдзар саразын, уый тыххæй Найфонтæ радзырдтой не сфæлдыстатдон къордæн.
Ахæм импровизацигонд концерттæ Найфонты хæдзары вæййы арæх. Æнæхъæн бинонтæй сæмбырд уæвын æмæ фидæнмæ нысанты æрныхас кæнын, уый тыххæй рæстæг ссарын фæхъæуы æнæмæнг, зæгъынц бинонтæ. Ацы бинонтæ сæ цард баиу кодтой 30 азы размæ. Сæ фыццаг фембæлд æмæ сæ базонгæдзинад Роберт æмæ Майæ хъуыды кæнынц абонау.
Найфонты Роберт æмæ Сечъынаты Майæ систы æппæтуæрæсеон конкурс «Афæдзы бинонты» уæлахиздзаутæ, номинаци «Хъæуккаг бинонты». Ацы конкурс ныр 5-æм аз арæзт цæуы Уæрæсейы сывæллæттæн æххуысы фонды æмæ фæллойы æмæ социалон рæзты министрады хъæппæрисæй.
Найфонты Роберт йæ мады хуызæн райста ахуыргæнæджы дæсныйад. Куыста Сырх-Дыгуры скъолайы, ахуырдзаутæн амыдта географи, черчени æмæ фæллойы уроктæ. 8 азы та разымынд лæвæрдта хъæуы бынæттон администрацийæн, уый фæстæ куыста мидхъуыддæгты министрады системæйы. Майæ та ныр 19 азы у Сырх-Дыгуры рæвдауæндоны музыкалон къорды разамонæг. Фыссы æмдзæвгæтæ, зарджытæ æмæ ма суанг мадæлон æвзагыл аргъæуттæ дæр. Бинонтæ амондджын царды сусæгдзинæдтæ æргом кæнынц иннæтæн дæр.
Конкурсы уæлахиздзауты хорзæхджын кæндзысты Мæскуыйы. Роберт æмæ Майæма та фидæнмæ ис бирæ фæндтæ æмæ нысантæ.
