13 августа 2021, 11:41
Тагъд æххуысы клиникон рынчындоны æххæстæй снывыл кодтой туаггуыры системæйы куыст
Æппæт хайæдтæм дæр æнæкъуылымпыйæ цæуы сæйраг хæтæлæй
Æнæниздзинадхъахъхъæнынады министрады хъусынгæнинагмæ гæсгæ, тагъд æххуысы клиникон рынчындоны æххæстæй снывыл кодтой туаггуыры системæйы куыст. Æппæт хайæдтæм дæр æнæкъуылымпыйæ цæуы сæйраг хæтæлæй. Резервон системæ дæр кусы, бацæттæ кодтой уæлæмхасæн туаггуыры баллонтæ дæр. Нысанмæ гæсгæ, туаггуыр ласынц Краснодарæй. Комплексон анализы бæрæггæнæнтæм гæсгæ, тагъд æххуысы клиникон рычындоны снысан кодтой системæ сног кæнын. Куыстытæ кæронмæ фæуыдзысты 2 мæйы мгъуыдмæ. Ныртæккæ тагъд æххуысы клиникон рычындоны се нæниздзинад дзæбæх кæнынц 605 адæймаджы. Реанимацийы ис 72 рынчыны, сæ рæуджытæ сæрмагонд аппараттæй кусынц 12-æн.
темæмæ гæсгæ
