Ведомствæты специалисттæ æркастысты æмæ аргъ скодтой уавæрæн, республикæйы сæргълæууæджы домæнтæ æххæстгонд цæуынц, æви нæ, уый
Фæлхасадмæ цæсдарды управленийы æмæ мидхъуыддæгты министрады кусджытæ скодтой иумæйаг рейд базарадон центрты, бæрæг кодтой адæм маскæтæ дарынц, æви нæ, уый. Ведомствæты специалисттæ æркастысты æмæ аргъ скодтой уавæрæн, республикæйы сæргълæууæджы домæнтæ æххæстгонд цæуынц, æви нæ, уый. Ног домæнтæ куыд амонынц, афтæмæй базарадон центрты маскæты æмæ æрмкъухты хъуамæ æрмæст уæйгæнджытæ ма уой, фæлæ æлхæнджытæ дæр. Фæлхасгæнæг кæд æмæ домæнтæ не ххæст кæна, уæд ын уæйгæнæгæн йæ бон у ма балæггад кæнын. Ахæм уавæр сæвзæрд, республикæйы рынчынты нымæц фылдæр кæй кæны, уый тыххæй.
Специалисттæ куыд фæнысан кодтой, афтæмæй нырма профилактикон мадзæлттæй хъуыддаг размæ цæуы. Информаци хæццæ кæнынц дуканиты, кафеты æмæ æндæр æхсæнадон бынæтты кусджытæм. Фæлæ закъон чи не ххæст кæна, уыдонмæ æнхъæлмæ кæсынц стыр ивартæ.
