филиал вгтрк государственная телерадиовещательная компания “Алания”

Цæгат Ирыстон райсдзæн 7 милуан соммæ хæстæг, цæмæй, льготæтæй чи пайда кæны, уыцы рынчынтæ ифтонггонд уой æнæмæнг хъæугæ хостæй, медицинон кусæнгæрзтæй æмæ дзæбæхгæнæн хойрагæй. Ахæм уынаффæ бафыста Уæрæсейы Хицауады сæрдар Михаил Мишустин. Ацы фæрæзтæй хъуамæ аххæссой лæвар хостæ кæмæн æмбæлы, уыцы адæмыл. Социалон лæггад парахат кæны инвалидтыл, Фыдыбæстæйы Стыр хæсты архайджытыл, сывæллон-инвалидтыл, стæй Чернобылы чи уыди, уыдоныл. Хостæ æмæ медицинон фæрæзтæ æлхæд цæуынц алы рынчынæн дæр хицæнæй.