Фыццаджыдæр кастытсты маскæтæ дарыны хъуыддагмæ, транспорт дезинфекцион фæрæзтæй куыд æххæстгонд у, стæй салон адæмæй дзаг вæййы, æви нæ, уымæ
Паддзахадон автоинспекцийы, фæлхасадмæ цæстдарды Управленийы, Уæрæсейы гвардийы æмæ транспортмæ цæстдарды управленийы кусджытæ рацыдысты радон рейды, æмæ бæрæг кодтой, маршрутон такситы шофыртæ æдасдзинады домæнтæ куыд æххæст кæнынц, уый. Фыццаджыдæр кастытсты маскæтæ дарыны хъуыддагмæ, транспорт дезинфекцион фæрæзтæй куыд æххæстгонд у, стæй салон адæмæй дзаг вæййы, æви нæ, уымæ. Рейд арæзт цыди горæты астæу, æхсæнадон транспорты сæйрагдæр бынæтты. Кæд æмæ шофыртæ эпидемиологон домæнтæ не ххæст кæнынц, уæд специалисттæ фирмæтæн рафыссынц сæрмагонд гæххæтт, æмæ хъаст арвитынц тæрхондонмæ. Æдæппæтæй иу мæймæ фæлхасадмæ цæстдарды управлени фиппаинæгтæ æрхаста дыууæ транспортон компанийы куыстмæ.
