Ковид-госпиталь цæттæ у 100 рынчыны райсынмæ
Республикæйы кусын райдыдта ног инфекцион хайад. Эндокринологон диспансеры стационары йæ равæрдтой Хуссар Æфсæддон госпиталы медицинон кусджытæ. Ковид-госпиталь цæттæ у 100 рынчыны райсынмæ. Сырх зонæйы куыст куыд цæуы, уый тыххæй радзурдзæн Касаты Наирæ.
Джиголаты Маринæ госпитальмæ бахауди ацы бонты. Куыд зæгъы, афтæмæй йæм æвиппайды фæзынди тæвд æмæ йæ улæфт дæр уыди зынтæй. Æфсæддон дохтыртæ йæ æнæрлæугæйæ райдыдтой дзæбæх кæнын. Хостæ инъекцитæ, цы хъæуы, уый . Сылгоймаг куыд зæгъы, афтæмæй йын дзæвгар фенцондæр.
Рынчынты дзæбæх кæнынмæ раздæхтой æппæт хуссар æфсæддон зылды специалистты. Æххуыс сын кæнынц Кировы номыл æфсæддон-медицинон академийы курсанттæ дæр.
Инфекцион хайад кусы эндокринологон диспансеры бындурыл. Ковидæй рынчынтæ дзæбæх кæнынæн кусæнгæрзтæ æвæрд æрцыдысты хъахъхъæнынады министрады тыхтæй, цалдæр бонмæ. Госпитæлы равæрдтой реанимацион хайад дæр 10 бынатæн. Ам ис алцы æппæтдæр, уæззау рынчынтæн баххуыс кæнынмæ. Ис дзы, рæуджытæ чи кусын кæны, ахæм аппараттæ. Æмбæлгæ уагыл кусы туаггуырæй ифтонг кæныны системæ. Туаггуыр кæцæй цæуы, ахæм бынæттæ æвæрд ис алы сынтæджы цур дæр. Реанимацион кусæнгæрзтæй уæлдай ма дохтыртæм ис диагностикæ æмæ адæймаджы æнæниздзинад мониторинг кæнынæн сæрмагонд фæрæзтæ. Уæвгæ ацы бынат хуымæтæг инфекцион хайадæй ницæмæй хицæн кæны. Медицинон кусджытæ цæттæ сты æнæнхъæлæджы цауты кусынмæ. Дохтыртæн сæ фылдæрмæ ис сырх зонæйы кусынмæ фæлтæрддзинад, фæлæ сæ зæрдæ дарынц, се ппæт бынæттæй спайда кæнын уæддæр кæй нæ бахъæудзæн, ууыл.
