Афтæмæй цæстдард цæуы, республикæйы Сæргълæууæджы хæстæ рæстæгмæ æххæстгæнæг Сергей Меняйлойы уынаффæ куыд æххæстгонд цæуы, уымæ
Цæгат Ирыстоны дарддæр арæзт цæуынц æхсæнадон транспорт бæрæггæнæн куыстытæ. Афтæмæй цæстдард цæуы, республикæйы Сæргълæууæджы хæстæ рæстæгмæ æххæстгæнæг Сергей Меняйлойы уынаффæ куыд æххæстгонд цæуы, уымæ. Уæрæсейы фæлхасадмæ цæстдарды цæгатирыстойнаг Управленийы специалисттæ, транспортмæ цæстдарды Управленийы кусджытæ, паддзахадон автоинспектортæ æмæ Уæрæсейы гвардийы службæгæнджытæ Дзæуджыхъæуы Кировы уынджы бæрæг кодтой маршрутон такситы куыст. Карз фæткхалджыты нæ раиртæстой, фæлæ бæлццæтты æмæ шофырты зæрдыл лæууын кодтой, куыд ахсджиаг у маскæтæ дарын æмæ дезинфекцион фæрæзтæй пайда кæнын. Æрмæст æдасдзинады домæнтæ æххæст кæнгæйæ, ис хи æмæ дæ бинонты низæй бахъахъхъæнын.
