Бæлвырддæр та арæзтадон куыстытæн бар радтой, æмæ 2022-æм азы фæзындзысты фыццаг мингай квадратон метртæ
Уæрæсейы бинонтæн цæрæнуæттæ дæттыны программæ æххæст кæнынæн Дзæуджыхъæуы сбæрæг йæ аразæг. Бæлвырддæр та арæзтадон куыстытæн бар радтой, æмæ 2022-æм азы фæзындзысты фыццаг мингай квадратон метртæ. Уæ зæрдыл уын æрлæууын кæндзыстæм, программæ царды уадзын райдыдтой республикæйы Сæргълæууæджы хæстæ рæстæгмæ æххæстгæнæг Сергей Меняйлойы хъæппæрисмæ гæсгæ. Арæзтады æмæ архитектурæйы министры хæстæ æххæстгæнæг Моргуаты Константин куыд радзырдта, афтæмæй Цæгат Ирыстоны цæрджытæн фадат уыдзæн ног фатертæ цалцæггондæй балхæнынæн, уыимæ базары аргъæй асламдæрæй. Цæмæй программæйы бацархайай, уый тыххæй хъæуы Дзæуджыхъæуы администрацийы цæрæнуæтты хайадмæ курдиат бадæттын. Уыимæ кæм фыст уай, уымæ гæсгæ. Стæй ма гæнæн ис гæххæттытæ сæрмагонд къамисмæ бадæттæн. Уыдон кусдзысты æххæстгæнæн хицаудзинады оргæнты æмæ, ведомствойы бæрны чи ис, ахæм уагдæтты.