25 августа 2021, 11:47
Цæгат Ирыстоны мидхъуыддæгты министрады уголовон агуырды кусджытæ æрцахстой Стъараполы крайы цæрæджы
Фыдгæнæнгæн йæ къухы бафтыди 100 мин сомы байсынæн
Цæгат Ирыстоны мидхъуыддæгты министрады уголовон агуырды кусджытæ æрцахстой Стъараполы крайы 24 аздзыд цæрæджы. Гуырысхо йыл кæнынц æхца домынæй. Фыдгæнæг архайдта хуымæтæг схемæмæ гæсгæ. Социалон хызты-иу равзæрста адæймаджы, мæнг аккаунтæй электрон адрисмæ иу æрвыста фыстæджытæ æмæ сыл иу афтæмæй ныхас бацайдагъ. Уый фæстæ сæ иу домдта æхцатæ, ома уæд социалон хызты компромат нæ апарахат кæндзынæн зæгъгæ. Афтæмæй, фыдгæнæнгæн йæ къухы бафтыди 100 мин сомы байсынæн. Байгом ыл кодтой уголовон хъуыддаг. Статьяйы санкцимæ йæм æнхъæлмæ кæсы 7 азы онг ахæстоны фæбадыны тæрхон, стæй стыр ивар.
темæмæ гæсгæ
