Афтæмæй специалисттæ бæрæг кæнынц, æхсæнадон транспорты æдасдзинады домæнтæ куыд æххæст кæнынц, уый
Дзæуджыхъæуы дарддæр арæзт цæуынц рейдтæ. Афтæмæй специалисттæ бæрæг кæнынц, æхсæнадон транспорты æдасдзинады домæнтæ куыд æххæст кæнынц, уый. Уæрæсейы фæлхасадмæ цæстдарды цæгатирыстойнаг Управленийы специалисттæ, траснпортмæ цæстдарды Управленийы кусджытæ æмæ паддзахадон автоинспектортæ бæрæг кодтой маршрутон такситæ. Ацы хатт куыстой Къостайы проспекты. Баурæдтой æмæ æркастысты 30 машинæйæ фылдæрмæ. Бæрнон ведомствоты специалистты ныхæстæм гæсгæ, фæткхалджытæ ис, æмæ сын сæ куыстмæ æрхастой фиппаинæгтæ. Рейды мадзæлтты рæстæг арæзт æрцыдысты протоколтæ. Уыимæ – 7 шофырыл, æмæ ныр цæуынц административон иртæстытæ. Хъуыддæгтæн сæ фылдæр æрвыст æрцыдысты тæрхондонмæ. Ног къуырийæ фæстæмæ æфхæрд æййафдзысты, æдасдзинады домæнтæ чи не ххæст кæна, уыцы бæлццæттæ дæр. Специалисттæ сидынц адæммæ, цæмæй санитарон домæнтæм бæстондæр кæсой, æмæ маскæтæ дарыны фæтк æнæмæнг æххæст кæной.
