филиал вгтрк государственная телерадиовещательная компания “Алания”

Ныртæккæ амбулаторон уагæй короновирусæй сæхи дзæбæх кæнынц 1897 адæймаджы. Хæдзармæ сын лæвæрд цæуы æппæт хъæугæ хостæ.  Медикаменттæ, инструкцимæ гæсгæ æфснæд сты поликлиникæйы скълады. Рынчынтæн ма терапевты бон у  хæдзары, пцр-тест кæй хонынц, уый скæнын. Бæрæггæнæнтæ райсæн ис дыууæ бонмæ. Афæдзы райдианæй та фыццæгæм поликлиникæйы скæнæн ис компьютерон томографи дæр. Короновирусы фыццаг  миниуджытæ  чи бафиппайа, уыдоны  хъæуы бадзурын Цæгат Ирыстоны  æнæниздзинадхъахъхъæнынады министрады иумæйаг колл-центры номер 33-33-55. Уырдыгæй та информаци æрвыст æрцæуы участоктыл рад хæссæг бригадтæм.