Æвæрынц дзы ног хæтæлтæ полиэтиленæй
Хъæуккаг территориты комплексон рæзты программæ æххæст кæнгæйæ, мæйы размæ Майрæмададжы райдыдтой дондзæуæн системæ ивыны куыстытæ. Æвæрынц дзы ног хæтæлтæ полиэтиленæй. Хъуамæ эксплуатацийы фæуой 50 азы онг. Доны фарста лыггонд æрцæудзæн Алагиры, Беслæны, Æрæфы, Кировы, Мæздæджы æмæ Горæтгæрон районты.
Чехойты Ларисæйæн кърантæй дон æвзæр кæй кæлы, уый æнæнхъæлæджы хъуыддаг нæу. Майрæмададжы цæрæг сахуыр, сæрдыгон сæм дон парахатæй кæй нæ вæййы, ууыл. Фæлæ ныр хъуамæ уавæр аива.
Ныр мæйы рдæджы бæрц, хъæуккаг территориты комплексон рæзты программæ æххæст кæнгæйæ, хъæугæрон райдыдтой магистраль ивыны куыстытæ. Уыимæ Дзуарыхъæуы резервуарæй Майрæмададжы онг. Ам æвæрынц ног хæтæлтæ полиэтиленæй. Фæллойгæнджытæ зæгъынц, хæтæлтæ сты нырыккон æмæ хæрзхъæд, стæй уæрæхдæр. Хъуамæ эксплуатацийы фæуой фæндзай азы онг.
Доны фарста лыггонд æрцæудзæн Рахизфарсы райны Цæлыччы дæр. Ам мæйы мгъуыдмæ арæзт æрцыд ног дондзæуæн системæ, стæй ма рацарæзтой донæмбырдгæнæн мæсыг. Зæгъдзыстæм уый дæр, æмæ нæ куыста иуæндæс азы бæрц.
Разæй ма сæм æнхъæлмæ кæсынц бирæ куыстытæ. Цæгат Ирыстоны дондзæуæн системæйæн ивинаг у йе стай проценты онг, зæгъы цæрæнуæтты-коммуналон хæдзарады, артаджы æмæ энергетикæйы министры хæстæ рæстæгмæ æххæстгæнæг Таматы Майрæн.
Хæстæгдæр рæстæг нысан кæнынц Алагиры, Беслæны, Æрæфы, Кировы, Мæздæджы æмæ Горæтгæрон районты инфраструктурæ фæхуыздæр кæнын. Уæллаг Фыййагдоны та арæзт æрцæудзæн дондзæуæн куыстуат, æмæ нуазыны донæй ифтонг кæндзæн Алагиры район. Объекттæ хаст æрцæудзысты республикæйы комплексон программæмæ. Баст уыдзæн дондзæуæн системæйы рацарæзтимæ дыууæ мины æртынæм азмæ.
Уыцы программæмæ хаст æрцуæдзæн доны хæтæлтæ ивыны системæ дæр. Цыппæрдæс сыгъдæггæнæн кусæнгарзæй ныртæккæ нæ республикæйы кусынц æрмæстдæр 3. Уыимæ – æппæт хъомысæй нæ. Дæнцæгæн æрхæсдзыстæм Дзæуджыхъæуы кæрон сыгъдæггæнæнтæ. Ам ныртæккæ цæуынц дыууæ къæпхæны. Фæлæ технологимæ гæсгæ та хъуамæ уой фылдæр. Хæстæгдæр рæстæг фарста хъуамæ лыггонд æрцæуа. Ныртæккæ Цæгат Ирыстоны разамынд æмгуыстад кæны федералон центримæ, цæмæй радих кæной 8 миллиард сомы. Уымæй дарддæр нысан кæнынц ног кусæнгæрзтæ саразын дæр.
Нуазыны доны хæрзхъæддзинад, æрвылбоны хауæццæгтимæ куыст – ацы фарстатæ нæ республикæйы нымад сты æппæтæй ахсджиагдæртыл. Æмæ сæ алыг кæнынмæ стыр æргом здæхт цæуы.
