филиал вгтрк государственная телерадиовещательная компания “Алания”

Республикæйы дарддæр цæуы номарæн вахтæ. Афтæмæй мысæм Беслæны теракты амæттæгты. Фыццæгæм скъолайы кæртмæ адæм цæуынц дидинджытимæ, хъазæнтимæ, стæй, кæй зæгъын æй хъæуы, донимæ. Зæгъын хъæуы уый, æмæ теракты амæттæгты ном æрымысынмæ адæм цæуынц нæ бæстæйы алы регионтæй. Номарæн вахтæйы фыццаг бон изæры скъолайы кæрты ссыгътой цырæгътæ. Фæлæ сæйраг саударæн мадзæлттæ, æрвылазон традицимæ гæсгæ, ацæудзысты абон. Мемориалон уæлмæрд «Зæдты горæты» та ногæй ранымайдзысты 2004-æм азы æвирхъау теракты амæттæгты. Фыццаг срæмыгъд куы рцыд, уыцы рæстæг та уæларвмæ суаддзысты 334 урс шары.