Цалцæггæнæн куыстытæ цæуынц æмгъуыдæй раздæр
Дзæуджыхъæуы микрорайон «Ног горæт»-æн лæвæрд æрцыдысты уæлæмхасæн фæрæзтæ, сæрмагондæй фæндæгтæм базилынмæ. Цалцæггæнæн куыстытæ цæуынц æмгъуыдæй раздæр. Ацы ахадгæ æххуысы фæрцы та хъуамæ бынтондæр фæуой ацы аз. Субсидийæ спайда кæндзысты, проекты фыст чи не рцыд, уыцы участоктыл дæр. Куыд рæзы микрорайон, æмæ дзы ныртæккæ цавæр куыстытæ цæуынц, уый тыххæй бæстондæр радзурдзæн Сосранты Жаннæ.
Проектмæ хаст чи не *рцыд, уыцы фæндæгты хæйттæ ма, ныридæгæн, хъæуы сбæлвырд кæнын. Рагагъоммæ ныхас цæуы асфальт сæвæрын иу километры уаццæгыл. Специалистты ныхæстæм гæсгæ, проектмæ ивддзинæдтæ хаст куыддæр æрцæуа, администраци та сæрмагонд территоритæ куы сбæрæг кæна, уæд фæндаг, хъуамæ конд æрцæуа. Ахæм фæндон хаст æрцыд, микрорайон «Ног сахар»-ы цæрджытæ курдиат куы балæвæрдтой, уæд. Сæ хæдзæртты бацæуæнтæ æнæкондæй баззадысты.
Уæвгæ микрорайоны фæндæгты арæзтадмæ бавнæлдтой ацы аз. Федералон программæ «Цæрæнуæттæ»-мæ гæсгæ хъуамæ саразой фæндаджы 12 километры. Куыстытæ конд цæуынц дыууæ къæпхæнмæ гæсгæ. Хъуамæ фæндаджы арæзтад фæуыдаид 2022-æм азмæ. Фæлæ адæмы цинæн куыстыты цыд кæронмæ æрхæццæ кæнын хъуамæ бантыса афæдзы кæронмæ. Уыимæ программæмæ бахæсдзысты фæндæгты иннæ хæйттæ. Уыцы нысантæн фæрæзтæ дихгонд æрцыд Бæстæйы Хицауады резервон фондæй.
Асфальт сæвæрынæй уæлдай ма фæндæгтыл фæзындзæн цырæгътæ, ныффидар дзы кæндзысты бордюртæ. Микрорайоны цæрджытæ разы сты куыстыты цыдæй.
Уымæй уæлдай ма специалисттæ фæнд кæнынц саразын æндæр фæндаджы хæйттæ.
2020 азы федералон программæ «Ног сахар»-ы фæлгæты скодтой коммуналон хызтæ дæр. Сарæзтой дзы дондзæуæн канализацитæ, дон сыгъдæггæнæнтæ. Уæвгæ, микрорайон райдыдтой аразын 2015 азы. Цæрæн хæдзæртты арæзтад дзы цæуы дарддæр. Районы фылдæр кæны цæрджыты нымæц. Уымæ гæсгæ территори саив кæнын у фыццаградон хæстæй иу.
