Ныртæккæ специалисттæ архайынц Дзæуджыхъæуы Терчыфале районы.
Бырæттæфснайæг регионалон оператор «Эрæ» дарддæр ивы контейнертæ. Ныртæккæ специалисттæ архайынц Дзæуджыхъæуы Терчыфале районы. Ацы аз июлы регионалон оператор йæхи фæндонмæ гæсгæ райдыдта бырæттæ ласын терчыфале районæй. Уæд компанийы инспектортæ контейнерты парчы уавæр банымадтой æвзæрыл. Тагъд рæстæг компанийы тыхтæй базилдзысты контейнертæ кæм лæууынц, уыцы фæзтæм æмæ баивдзысты чи нал бæззы, уыцы къоппытæ. Регионалон операторы минæвар Цыхуырбаты Георгий куыд фехъусын кодта, афтæмæй ведомствæйы фæнды цæрджыты къух бырæттæ фснайыны фарстайы фæрогдæр кæнын. Уæ зæрдыл уын æрлæууын кæндзыстæм – бырæттæфснайæг компани ЭРА нæ регионы кусы 1 январæй фæстæмæ. Уæдæй нырмæ æрæвæрдтой 1600 контейнеры æмæ балхæдтой цыппор нырыккон бырæттæфснайæн машинæйы.
