Знон нæ республикæйы делегаци равдыста сæрмагонд экспозици «Хочу в Аланию»
Сочийы дарддæр цæуы нырыккон журналистикæйы форум «Вся Россия 2021″. Знон нæ республикæйы делегаци равдыста сæрмагонд экспозици «Хочу в Аланию». Бæлвырд дзы æвдыст цæуы Цæгат Ирыстоны туристон хъомыс. Презентаци амыдтой нæ республикæйы делегацийы минæвæрттæ. Интерактивон фæрæзты фæрцы уазджытæн равдыстой Ирыстоны æрдзы рæсугъдзинад, йæ культурæ, традицитæ. Уымæй уæлдай нæ республикæйы минæвæрттæ сарæзтой ирон хъазт æмæ адæмы хынцтой ирон чъиритæй. Сæрмагонд стенды равæрдтой мыхуыры фæрæзтæ. Уыдон сты чингуытæ, журналтæ, газеттæ. Сæ фылдæр уадзджытæ райстой сæхицæн лæвары хуызы. Ацы аз нæ республикæйы стенды ирдæй равдыстой дыууæ ахсджиаг цауы – Ирон чъириты Фестиваль – ацæудзæнис Дзæуджыхъæуы 26-æм сентябры æмæ Аланийыл саргъауыны мин сæдæ азы кадæн бæрæгбон. Форумы архайджытæн бацæттæ кодтой лекцитæ, дæсныйадæвдисæг ахуыртæ, тематикон мадзæлттæ.
