16 сентября 2021, 11:43
Хъобаны кæронмæ арæзт фæцис, зæххы бынты чи цæуы æмæ йæ æлхъывдад ныллæг кæмæн у, ахæм газы хыз
Йæ дæргъ у иу километрæй фылдæр
Хъобаны кæронмæ арæзт фæцис, зæххы бынты чи цæуы æмæ йæ æлхъывдад ныллæг кæмæн у, ахæм газы хыз. Йæ дæргъ у иу километрæй фылдæр. Хъобаны ис 240 кæрты, фæлæ дзы æрдзон газæй пайда кодтой æрмæстдæр хъæуы быны цæрджытæ. Ныртæккæ æрдзон артагæй пайда кæныны фадат ис се ппæт цæрджытæн дæр. Газы хæтæл æвæрын райдыдтой ацы аз августы. Объект хъуамæ радтаиккой ацы аз декабры, фæлæ республикæйы разамонæг Сергей Меняйлойы фæндонмæ гæсгæ куыстыты æмгъуыд фæцыбырдæр кодтой. Газуарæн компанийы куыд бамбарын кодтой, афтæмæй газ бахæццæ кæндзысты алы хæдзармæ дæр. Уый тыххæй хъуамæ цæрджытæ ныффыссой курдиæттæ.
темæмæ гæсгæ
