Уыдонæй 7 мины æмæ 500 адæймаджы рацыдысты æргом куысты фæткмæ – фехъусын кодта профилон комитеты разамонæг Платы Альбинæ
Ацы азы аст мæйы дæргъы сбæрæг кодтой, æнæзакъонæй чи куыста, ахæм 10 мин адæймаджы. Уыдонæй 7 мины æмæ 500 адæймаджы рацыдысты æргом куысты фæткмæ – фехъусын кодта профилон комитеты разамонæг Платы Альбинæ. Нæ республикæйы районты администрациты сарæзтой сæрмагонд кусæг къордтæ, цæмæй бæрæг кæной, æнæзакъонæй чи кусы, уыцы адæмы. Уыцы хъуыддаджы хорз бæрæггæнæнтæ равдыстой Æрæфы, Рахизфарсы, Æрыдоны, Кировы æмæ Горæтгæрон районты. Сæ размæ æвæрд нысан нæ сæххæст кодтой Мæздæджы, Алагиры æмæ Дыгуры районты. Æппæты æвзæрдæр бæрæггæнæнтæ та равдыста Дзæуджыхъæу. Хицауады сæрдары хæстæ æххæстгæнæг Тускъаты Таймураз администрацийæ бадомдта, цæмæй куыст фæахадгæдæр кæна æмæ афæдзы кæронмæ хорз бæрæггæнæнтæ равдисой.
