Уый уыдзæн Цæгат Кавказы æппæтæй сæйрагдæр гастрономон æмæ туристон цау
Дзæуджыхъæуы байгом ирон чъириты æппæтадæмон фестиваль. Уый уыдзæн Цæгат Кавказы æппæтæй сæйрагдæр гастрономон æмæ туристон цау. Фестиваль цæудзæн къуырийы дæргъы. Йæ сæйраг нысан у – Уæрæсейы æмæ фæсарæйнаг бæстæты минæвæртты ирон адæмы историимæ, æгъдæуттимæ æмæ традицитимæ базонгæ кæнын. Форумы программæйы сты бæрæгбоны акцитæ: национ хойрæгты дегустаци, дæсныйадæвдисæг ахуыртæ, хуыздæр хæринаггæнджыты æмæ чъиритæ фыцджыты конкурстæ, республикæйы сфæлдыстадон коллективты æмæ артистты концерттæ. Уымæй дарддæр фестивалы уазджытæн фадат уыдзæн ирыстойнаг классикæйы кинонывтæм бакæсынæн, стæй æрмдæсныты æрмадзтæ æмæ армукъатæ фенынæн. Сæйраг мадзæлттæ ацæудзысты Дзæуджыхъæуы Терчы былгæрон. Ирон чъиритæ фыцынæй конкурсты æмæ дæсныйадæвдисæг ахуырты бацархайыны бон уыдзæн, кæй бафæнда, уыдонæй се ппæтæн дæр.
