Бацархайæн дзы уыдзæн куыд традицион хуызы, афтæ онлайн форматы дæр – Паддзахадон лæггæдты порталы уылты
Мæйы фæстæ райдайдзæн Æппæтуæрæсеон æрфыст. Бацархайæн дзы уыдзæн куыд традицион хуызы, афтæ онлайн форматы дæр – Паддзахадон лæггæдты порталы уылты.
Нæ бæстæйы æрфысты руаджы базонæн ис Паддзахады национ хыгъды тыххæй. Афтæ 2010-æм азы æрфыстмæ гæсгæ нæ республикæйы цæры 460 мин ирон адæймагæй фылдæр. Бæлвырддæр хабæрттæ радзурдзæн Гæджиты Сослан.
Иу мæйæ къаддæр ма баззад адæмы Æппæтуæрæсеон æрфыстмæ. Нæ бæстæйы цæрджыты дзуапп раттын хъæудзæн 33 фарстæн. Уыдоны хсæн: цал азы йыл цæуы, йæ бинонты æмæ цæрыны уавæртæ, ахуырады æмвæзад æмæ афтæ дарддæр. Æрфысты гæххæтты этнолингвистикон хайы ма фæбæрæг кæнын хъæудзæн дæ адæмы хатт æмæ мадæлон æвзаг.
Æрфысты гæххæтты фыст уыдзæн, æрмæстдæр респондент цы дзуры, уый. Бæлвырдгæнæн гæххæттытæ дзы нæ хъæуынц. Нацийы тыххæй та сæ бон у алыхуызон дзуапп раттын, суанг ма цалдæр варианты равзарын дæр.
Æппæтуæрæсеон æрфысты бацархайæн уыдзæн куыд традицион хуызы, ома специалисты фæрстытæн дзуапп раттын, афтæ онлайн форматы дæр – Паддзахадон лæггæдты порталы уылты. Нæ бæстæйы æрфысты руаджы базонæн ис Паддзахады национ хыгъды тыххæй. Афтæ 2010-æм азы æрфыстмæ гæсгæ нæ республикæйы цæры 460 мин ирон адæймагæй фылдæр.
