23 сентября 2021, 10:55
Республикæйы ахуыргæнæдæтты ныртæккæ цæуы «Æдасдзинады къуыри»
Архайынц дзы сывæллæттæ, сæ ныййарджытæ, педагогтæ, стæй фæндаггон инспектортæ
Республикæйы ахуыргæнæдæтты ныртæккæ цæуы «Æдасдзинады къуыри». Архайынц дзы сывæллæттæ, сæ ныййарджытæ, педагогтæ, стæй фæндаггон инспектортæ. Æдасдзинады къуырийы сæйраг нысан у – фæндæгты æдасдзинадмæ ргом аздахын. Уымæн æмæ арæх фæндаггон фыдбылызты бахауынц æнахъом сывæллæттæ. Скъолаты ныртæккæ цæуынц тематикон ахуыртæ, конкурстæ, викторинæтæ, флешмобтæ æмæ гом уроктæ. Стыр æргом здахынц профилактикон мадзæлттæм: æдасдзинады рæттæм, креслæтæм æмæ рухс здахæн элемеенттæм. Сæрмагондæй сабитæн арæзт цæуынц фистæгæйцæуæн экскурситæ. Знон уыд фæндаггон змæлды æдасдзинады иумæйаг бон. Абон та ныййарджытæн арæзт æрцæудзæн профилактикон ахуырадон мадзал.
темæмæ гæсгæ