Йæ кусæнгæрзтæ та уæвгæ дæр сты ивгъуыд æнусæй
Тæрхондоны медицинон экспертизæтæ кæнæн бæстыхай хъæуы рацаразын. Йæ кусæнгæрзтæ та уæвгæ дæр сты ивгъуыд æнусæй. Æрæджы бюро бабæрæг кодта республикæйы Сæргълæууæг, æмæ базонгæ куыстуаты уавæртимæ. Хаст æрцыд уынаффæ – бюромæ хъæуы бæстон базилын. Бæлвырддæр хабæрттæ радзурдзæн Джыбызты Зæринæ.
Ацы аппараты фæрцы 40 азæй фылдæр тæрхондоны-медицинон экспертизæтæ аразæн Республикон бюройы специалисттæ бæрæг кæнынц анализтæ. Рæстæгимæ, æнæмæнг, техникæ тынг базæронд, фæлæ уæддæр йæ сæйраг хæс æххæст кæны.
Бюройы куысты уавæртимæ базонгæ республикæйы сæргълæууæг Сергей Меняйло. Регионы разамонæг бахæс кодта, цæмæй цыбыр рæстæгмæ куыстуат баххæст кæной ног кусæнгæрзтæй. Уыцы нысантæн, стæй материалон-техникон базæ сног кæнынæн радих кæндзысты 6 милуан сомы.
Ам куыд зæгъынц, афтæмæй уагдоны цы аппаратурæйæ пайда кæнынц, уый хатгай нырыккон техникæйæ хуыздæр фæкусы. Фæлæ бæстыхайы уыйас бынат нæй. Молекулярон-генетикон хайад уагдоны байгом дыууæ минæм азы. Ам аразынц иртасæн куыстытæ адæймаджы йæ буæргъæдтæй базонынæн, стæй хæстæгдзинад раиртасынæн. Хæстæгдæр æртæ азы лаборатори, гæнæн ис, æмæ ацæуа æндæр бæстыхаймæ. Уым дæр хъуамæ æрбынат кæна 5 хайады. Сарæзын æй фæнд кæнынц хæдзарадон хайады территорийы. Бюро хаст æрцыд программæ «Модернизация здравоохранения на 2021-2024 годы»-мæ. Бæстыхайы проектон-сметон документаци хъуамæ арæзт æрцæуа азы кæронмæ. Ныр та уал уагдоны сног кодтой медицинон академийы кафедрæты куыст. Медицинон куыстуат нырыккон гæнæнтæй баххæст кæныны æппæт пълантæ та царды уагъд æрцæудзысты 2025-æм азы.
