Уый фæдыл уынаффæ хаст æрцыд, сывæллæттæй бирæтæ æхснырсæгæй æмæ гриппæй рынчын кæй сты, уый тыххæй
Дзæуджыхъæуы 12 скъолайы 49 къласы æхгæд æрцыдысты карантины. Ахæм уавæр ис 3 рæвдауæндоны 3 къорды дæр. Уый фæдыл уынаффæ хаст æрцыд, сывæллæттæй бирæтæ æхснырсæгæй æмæ гриппæй рынчын кæй сты, уый тыххæй. Æдæппæтæй горæты дистанцион ахуырадмæ раивтой 1421 адæймаджы. Ацы хъуыддаг конд æрцыд, цæмæй ахуырадон процесс ма рлæууа, уый тыххæй. Уыимæ ма ахуырады муниципалон управленийы куыд загътой, афтæмæй 36 скъоладзаумæ æмæ рæвдауæндæтты 3 хъомылгæнинагмæ раиртæстой Ковид-19-ы æвæрццæг тест.
Уæрæсейы фæлхасадмæ цæстдарды цæгатирыстойнаг управленийы куыд загътой, афтæмæй Цæгат Ирыстоны карантины сæхгæдтой 13 рæвдауæндоны æмæ иу скъола. Хайгай æрлæууыд ахуырадон æмæ хъомыладон процесс 29 къорды 18 рæвдауæндоны, æмæ 114 къласы 48 скъолайы. Æмтгæй райсгæйæ, æхснырсæгæй æмæ гриппæй рынчынты æмвæзад нæ республикæйы эпидемиологон бæрæггæнæнæй у 4% къаддæр. Фæлæ 13 процентæй 30 проценты онг бахыгътой сывæллæтты алы кары къордты. Специалистты ныхæстæм гæсгæ профилактикæйы сæйрагдæр мадзал у иммунизаци.
