Автоинспекцийы кусджытæ уромынц закъон халджыты, æмæ сын бæрæг кæнынц се *вгтæ нормæйæ тардæр сты, æви нæ, уый
Республикæйы дарддæр цæуы тар æвгтæ цы машинæтыл ис, уыдоныл рейдтæ. Автоинспекцийы кусджытæ уромынц закъон халджыты, æмæ сын бæрæг кæнынц се *вгтæ нормæйæ тардæр сты, æви нæ, уый.
Шофыртæн сæ машинæты æвгтæ хъуамæ уой æнæ тар цъæрттæй! Уый у фæндаггон æдасдзинады фыццаг хъуыддæгтæй иу. Республикæйы паддзахадон автоинспекцийы кусджытæ рацыдысты радон рейдмæ. Сæ хæс у, тар æвгтимæ машинæтæ ссарын. Сæ рацыды рæстæгмæ баурæдтой æртын ахæм машинæйы. Барвæндонæй æвгты тар цъар рппарыныл се ппæт разы нæ уыдысты.
Шофырты цæстдæнгас иухуызæн нæ разынд. Кæйдæрты хъуыдымæ гæсгæ, кæд æдасдзинадæн тæссаг у, уæд тар æвгтæй æнæмæнгæй, хъæуы схицæн уæвын.
Машинæты фæрсты æвгтыл тар цъæрттæ ныхасыны тыххæй æфхæрд фæкарсздæр ис. Ныр закъонхæлдыл нымад у, сæрмагонд москитный хъуымæцтæй пайда кæнын дæр. Кæд æвгтæй рухс æвдай процентæй къаддæр цæуы, уæд шофыры кæнынц ивар. Фыццаг хатт фондз сæдæ сомы. Фæлæ ма закъонхæлд куы сфæлхат кæна, уæд гæнæн ис, æмæ машинæйæ пайда кæнын нал уаддзысты.
Фыццаг фиппанинаджы фæстæ шофырæн ратдзысты рæстæг, цæмæй йæ машинæ æмбæлгæ уагыл скæна, уый тыххæй. Дыккаг хатт æй куы æрцахсой, уæд тæ гæнæн ис æмæ йæ бауромдзысты фынддæс суткæйы æмгъуыдмæ дæр. Ацы хъуыддаджы фæдыл рейдтæ цæуынц рæстæгæй-рæстæгмæ. Ивары бæрц иннæ аз фæфылдæр уыдзæн.
