Не сфæлдыстадон къорд та федта завод «Победит»-ы æнæнхъæлæджы цæумæ куыд цæттæ сты, уый
Уæрæсейы æппæт субъектты дæр сбæрæг кодтой, регионалон æмæ муниципалон æмвæзады фæдисы хъусынгæнинæгтæ куыд кусынц, уый. Не сфæлдыстадон къорд та федта завод «Победит»-ы æнæнхъæлæджы цæумæ куыд цæттæ сты, уый.
Завод «Победит»-ы кусджыты зынгсирвæзт æрцыды хъусынгæнинаг фæтæрсын кодта. Кусгæ боны рæстæг æркалд бæстыхæттæй иуы сæр. Æнæнхъæлæджы цауты министрады кусджытæ æвæстиатæй æрбахæццæ сты бынатмæ. Ирвæзынгæнджытæ, рæдзæгъдты бынæй фервæзын кодтой æртæ адæймаджы. Алчи дæр дзы райста алыхуызы æмвæзады цæфтæ. Бынаты сын бакодтой медицинон æххуыс. Уый фæстæ госпитализаци. Зынгсирвæзт иуварсгонд æрцыд дæс минутмæ. Зæгъын ма хъæуы уый дæр æмæ специалисттæ талынджы кæй куыстой. Ахуыртæн йæ разамонджытæ скодтой бæрзонд аргъ.
Завод «Победит»-ы ахæм æнæнхъæлæджы уавæртæм сты цæттæ. Ис ма дзы сæрмагонд æмбæхсæн бынат, кæцымæ бацæуæн ис мин адæймагæй фылдæрæн. Куыстуаты та фæллой кæны 920 адæймаджы.
Граждайнаг хъæхъхъæнынады тренировкæ цæуы æппæт Уæрæсейы дæр. Ахуырты рæстæг бæрæг кæнынц æнæнхъæлæджы цауты министрады дæлхайæдтæ куыд цæттæ сты æнæнхъæлæджы цаумæ, уый. Цæгатирыстойнаг ирвæзынгæнджытæ равдыстой иттæг хорз цæттæдзинад.
