Паддзахадон æххуыс ацы аз райсдзæн республикæйы мин цæрæгæй фылдæр
Цæгат Ирыстоны кусы цалдæр хъуыддаджы мæгуырдзинады ныхмæ тох кæнынæн. Паддзахадон æххуыс ацы аз райсдзæн республикæйы мин цæрæгæй фылдæр. Федералон программæтæ, адæмæн æххуыс сты куыст ссырынæн, сæ квалификаци фæфылдæр, стæй хи куыстуат байгом кæнынæн.
Едзаты Кæринæ райста фармацевты дæсныйад, уæдæ йæ куыст дæр зоны æмæ йæм фæлтæрддзинад дæр ис. Цалдæр азы бакуыста бынæттон афтечы, фæлæ мызд гыццыл кæй уыд, уый тыххæй йæ куыст ныууагъта. Уый фæстæ йæ бон нæ уыд куыст ссарын æмæ æххуысагур бацыд районы адæмæн куыстдæттыны центрмæ
Карины куыстмæ райстой социалон контракты бындурыл. Ацы фадат йын радта мæгуырдзинадимæ тохы федералон программæ. Бардзырд бафыссынц социалон хъахъхъæнынады оргæнтæ æмæ куыстагурæг. Куыстдæттæг службæ та ссары, социалон контракты фæрцы кусæг кæй хъæуы, ахæм куыстуæттæ.
Мæгуырдзинадимæ тохы программæйы фæрцы Дыгуры районы куыст ссардтой æртын адæймаджы. Социалон контракт бафыссынц фараст мæйы æмгъуыдмæ. Алымæйон Паддзахадон фарсхæст у дæс мины æмæ фондз сæдæ науæдз фараст сомы. Фидынц æй цыппар мæйы дæргъы.
Мæгуырдзинадимæ тохы федералон программæ республикæйы æххæст кæнынц æртæ къабазмæ гæсгæ. Сты – гранттæ æрыгон фермертæн, ног кадртæ цæттæ кæнын æмæ фæкæсынхъуаг адæмимæ Паддзахадон контракттæ бафыссын. Уыцы нысæнттæн радих кодтой сæдæ фæндзай милуан сомы.
