филиал вгтрк государственная телерадиовещательная компания “Алания”

Сбæрæг сты литературæ æмæ аивады къабæзты Хетæгкаты Къостайы номыл паддзахадон преми райсынæн кандидаттæ. Æдæппæтæй уыдысты 11. Уый, се сфæлдыстад нырыккон ирон культурæйы бындурыл арæзт кæмæн у, ахæм поэттæ, фысджытæ æмæ нывгæнджытæ.  Къамисы уæнгтæ бæстонæй æркастысты алкæйы куыстмæ дæр. Загътой сæ хъуыдытæ, байхъуыстой сæ кæрæдзимæ раныхæстæм. Уый фæстæ, скодтой  сусæг хъæлæс кæныны процедурæ. Йæ бæрæггæнæнтæм гæсгæ, литературæйы къабазы хуыздæр сси Касаты Батрадз, аивады та фæуæлахиз бæхты театр «Нартæ»-йы сфæлдыстадон къорд. Кандидатурæтæ ныр хъуамæ хорзыл банымайа республикæйы Сæргълæууæг. Уæлахиздзаутæ хорзæхгонд æрцæудзысты Къостайы райгуырæн боны агъоммæ.