Бæрæгбон сын бацæттæ кодтой ЗАГСы кусджытæ
60 азы иумæ. Зойæ æмæ Юрий Пономаревтæ сбæрæг кодтой сæ бриллиант чындзæхсæв. Бæрæгбон сын бацæттæ кодтой ЗАГСы кусджытæ. Уал азы кæрæдзийы æмбаргæйæ фæцæрынæн сын баххуыс кодта уарзондзинад. Куыд рабæрæг, афтæмæй кæрæдзийы бауарзынæн æмæ бинонтæ скæнынæн сын фаг уыди æрмæстдæр иу кафт. Схъомыл кодтой фырт, уый кæстæрты æртæйы, ныр та цин кæнынц, уыдоны цотыл. Зойæ куыста райдиан кълæсты ахуыргæнæгæй, уый фæстæ бухгалтерæй. Юрий та фæкуыста прибортæ аразæн заводы. Сæхæдæг куыд зæгъынц, афтæмæй 60 азы атахтысты цæсты фæныкъуылдмæ.
Амондджын бинонты сусæгдзинæдтæ юбиляртæ раргом кодтой æрыгон бинонтæн дæр. Зойæ æмæ Юрий Пономаревтæ къайады æвдисæндар радтой Вирсави æмæ Аланæн. Уыцы бон æрыгæттæ сфидар кодтой сæ къайад. Бирæ азты амонджын цардæн ныстуантæ райстой зæрдиагæй.