20 октября 2021, 11:45
Дзæуджыхъæуы администрацийы сæрдар Милдзыхты Вячеслав цæрæн уавæртæ фæхуыздæр кæныны æвдисæндартæ радта
Æдæппæтæй та мадзалæн бахъуыдис дыууын милуан сомы æмæ сæ радих кодта горæты администраци
Дзæуджыхъæуы администрацийы сæрдар Милдзыхты Вячеслав цæрæн уавæртæ фæхуыздæр кæныны æвдисæндартæ радта, уæззау низтæй рынчын чи у, ахæм адæмæн. Горæты администрацийы пресс-службæ куыд хъусын кæны, афтæмæй алы бинонтæн дæр радтой субсиди цæрæнуаты æртын квадратон метры балхæнынæн, æхцайæ уый у иу милуан сæдæ æхсæз мин сомы. Æдæппæтæй та мадзалæн бахъуыдис дыууын милуан сомы æмæ сæ радих кодта горæты администраци. Ныртæккæ ма горæты администрацийы хыгъды лæууынц æвддæс бинонтæ. Сæ льготæ райсдзысты иннæ аз. Афтæмæй уæззау низтæ кæмæ ис, æмæ сæ цæрыны уавæртæ фæхуыздæр кæнын кæмæн æмбæлы, уыцы адæмы рад кæронмæ æрхæццæ уыдзæнис.
темæмæ гæсгæ