Архайдтой дзы республикæйы Сæргълæууæг Сергей Меняйло, хъахъхъæнынады министрады æмæ æфсæддон хъазахъхъаг æхсæнады минæвæрттæ
Дзæуджыхъæуы уыди хъазахъхъæгты хъуыддæгты фæдыл Уæрæсейы Президенты цур Советы къамисы цæугæ æмбырд. Архайдтой дзы республикæйы Сæргълæууæг Сергей Меняйло, хъахъхъæнынады министрады æмæ æфсæддон хъазахъхъаг æхсæнады минæвæрттæ. Æмбырды райдиан архайджытæ æрымысыдысты Фыдыбæстæйы Стыр хæстмæ университетæй цы студенттæ ацыди æмæ чи нал сыздæхт, уыдоны рухс ном, уæлдæр ахуыргæнæндоны кæрты цыртдзæвæны цур сæвæрдтой дидинджытæ. Уый фæстæ, æфсæддон центры курсанттæн радзырдтой æфсæддон ахуырады ахадындзинады тыххæй.
Дзæуджыхъæумæ ссæуын йæ бон кæмæн нæ бацис, уыдонæн та æмбырды архайыны фадат уыди æмбырды онлайн-бастдзинады фæрцы. Хъазахъхъæгты æхсæнад рæзы бæстæйы паддзахадон политикæйы стратегийы фæлгæты. Хъазахъхъæгты æхсæнады разамонджытæ æмбырды фехъусын кодтой сæ афæдзы куысты хатдзæгты тыххæй. Иаддзинæдтæ дзы æрцыди кадрты дæр. Нæ республикæйы хъазахъхъæгтæ дæр кæнынц активон куыст.
