Фыццаджыдæр баст у адæмæн лæггад кæныны къабазимæ
Коронавирусы инфекци ма парахат кæныны тыххæй, йæ тыхы бацыди фæлхасадмæ цæстдарды ног уагæвæрд. Фыццаджыдæр баст у адæмæн лæггад кæныны къабазимæ. Бынтондæр урæд æрцыд дзыллон мадзæлттæ аразыны хъуыддаг. Сæхгæдтой чындзæхсæвтæ æмæ куывдтæ кæнæн залтæ. Сæйраг ногдзинад qr-кодтæ. Ныр цæмæй адæймаг фысымуаты æрлæууа, ресторанмæ, кино кæнæ фитнес залмæ бацæуа, уый тыххæй йæм хъуамæ æнæмæнгæй уа вакцинаци кæй скодта, ахæм æвдисæндар, пцр-тесты бæрæггæнæн, кæнæ та медицинон справкæ. Уымæй уæлдай, бæстыхайы хъуамæ адæм цы дзы цæуы, уымæн йæ 50% фылдæр ма уа, стæй кæрæдзимæ хъуамæ лæууой 1,5 дæрддзæф. Республикæйы адæмæн лæггад кæныны бирæ бæстыхæйттæ ныридæгæн сæ куыст сарæзтой qr-кодтæм гæсгæ. Сæ архайдмæ сын кæсы фæлхасадмæ цæстдарды управлени.
