Сывæллæттæн транспорт 5-æм аз Уæрæсейы резервон фонды фæрæзтæй æлхæнынц Владимир Путины бадзырдмæ гæсгæ
Республикæйы скъолаты фæзынди 17 ног автобусы. Сывæллæттæн транспорт 5-æм аз Уæрæсейы резервон фонды фæрæзтæй æлхæнынц Владимир Путины бадзырдмæ гæсгæ. Уыцы рææстæгмæ Цæгат Ирыстонæн радих кодтой 80 автобусæй фылдæр. Машинæты парк сног кæнын у ахсджиаг хъуыддаг. Транспорт хъуамæ уа æдас. Ацы хатт автобустæ райстой Дзæуджыхъæуы иуæй-иу скъолатæ, Алагиры æмæ Горæтгæрон районты ахуыргæнæндæттæ. Архонкæйы скъолайæн ацы цау у бæрæгбонау, рагæй йæм æнхъæлмæ кастысты. Автобустæ ифтонггонд сты æппæт хъæугæ фæрæзтæй. Ис дзы зынгхуыссынгæнджытæ, аптечкæтæ. Стæй, кæй зæгъын æй хъæуы, алы бандоныл дæр æдасдзинады рæттæ. Автобустæ артаг хардз кæнынц фæстауæрцæй. Автопарк ноггонд цæудзæн нырæй фæстæмæ дæр. Дæгъæлтæ дæттыны кадджын мадзалмæ æрбацыди Сергей Меняйло дæр.
